RSS

Monthly Archives: October 2012

જય માતાજી !

જેમની સાથે જર્મની ફરવાની બહુ મજા આવેલી એવા નવસારીના સ્વજન સમા મિત્ર હાર્દિક નાયકે આ સોમવારે મારાં વ્યસ્ત પ્રવાસકાર્યક્રમમાંથી ઉડતા ઉડતા કેચ કરી સરસ કાર્યક્રમ આગામી સોમવારની ૨૨ તારીખે રાત્રે ૮ વાગે નવસારીના રોટરી હોલમાં રાખ્યો છે : જીવનમાં ફિલ્મી ડાયલોગમાંથી મળતી પ્રેરણા. (રસ ધરવતા કોઈ પણ પાસ વિના ત્યાં પહોંચી શકે છે)..

એમાંથી યાદ આવ્યું કે ફિલ્મી ડાયલોગ ઉપરાંત ફિલ્મી ગીતોનું ય મારાં જીવનમાં અભિન્ન સ્થાન છે. વળી નવરાત્રિ ચાલુ છે ત્યારે ઉમદા સાઉન્ડ સિસ્ટમમાં ફૂલ બાસ એન્ડ કૂલ ટ્રીબલ સાથે સેપરેશન સ્પીકર્સ હોય તો રોમ રોમ ધણધણી ઉઠે એવું આ ફેવરિટ ગીત યાદ આવી ગયું. ફિલ્મ ભંગાર ને ફિલ્મમાં આખું ગીત હતું ય નહિ એટલે વિડીયો જોવાનો આમ પણ (એનો એક પીસ અનિલ કપૂરની ટકાટક એન્ટ્રી વખતે વાગે છે , એ સિવાય ) મતલબ નથી. અગાઉ એનો વિડીયો તો હું બે વખત શેર કરી પણ ચુક્યો છું.

પણ અત્યારે સાંભળો આ સોંગ આખેઆખું ઓડિયોમાં ! ને લક્ષ્મી-પ્યારેના ટ્રેડમાર્ક ઢોલ-ડ્રમની આજે ય દુર્લભ બીટ્સ સાથે બચપણમાં ગરબીમાં સાંભળેલા ઝાંઝ-પખાલની રણકતી સાઉન્ડ ઇફેક્ટ માણો…એવી રીતે આખું ગીત કમ્પોઝ થયું છે કે જાણે ગિરનાર-પાવાગઢ-વૈષ્ણોદેવી ચડતા સાંભળો તો લોહી બમણી ઝડપે ફરવા લાગે ને એકી સાથે બબ્બે પગથીયાં કૂદાવી જાવ ! 😛 🙂

બોલો, માતા માતા … જય માતા ! 😎

 
12 Comments

Posted by on October 20, 2012 in Uncategorized

 
 
%d bloggers like this: