RSS

Daily Archives: July 1, 2012

સાહસિકોની સૃષ્ટિ…..

આજના મારા લેખ પછી મને જીવનમાં અત્યંત ગમેલા પ્રિય પાંચ પુસ્તકમાં આસાનીથી સમાવી લઉં , એવું એ પુસ્તક જો કોઈને વાંચવાનું મન થયું હોય તો એ મનને મારી ના મુકતા. તત્કાળ અમલ કરજો. (કાશ, ભણવા સાથે આવું વાંચવાનો ય પીરિયડ આવતો હોત !) વર્ષોથી લખવા ધારેલો આ લેખ અંતે આજે લખીને છપાયો ખરો. આગળ વધતા પહેલા એ તો વાંચી જ લો. ( એક જરૂરી કરેક્શન : એમાં વર્નના પ્રકાશક ‘ફેઝલ’ છપાયું છે, જે વાસ્તવમાં  ‘હેઝલ’ છે ! અને ‘એપલ’ વ્રુક્ષ નહિ પણ ‘મેપલ’ વ્રુક્ષ જોઈએ !) કહેવા જેવું એમાં કહેવાયું છે ઘણું.

આમ તો જુલે વર્ન ( કોઈક એણે યુલ વર્ન કહે પણ અમેરિકનો ય જુલ્સ વર્ન નામથી ફિલ્મો બનાવી કાઢે છે ! 😛 )ના આ પુસ્તક વાંચતા પહેલા ‘કેપ્ટન ગ્રાન્ટ’સ ચિલ્ડ્રન’ ( અહીં ક્લિક કરો )  અને ‘ટ્વેન્ટી થાઉઝન્ડ લીગ્સ અન્ડર ધ સી’ (અહીં ક્લિક કરો) વાંચી હોવી જોઈએ. એ ફરજીયાત નથી, પણ એના વિના અમુક મજા અને મતલબ ચુકી જવાશે.

ચાલો કન્સેશન. કેપ્ટન ગ્રાન્ટસ ચિલ્ડ્રન નહિ , તો ‘ટ્વેન્ટી થાઉઝન્ડ લીગ્સ અન્ડર ધ સી’ તો વાંચવી જ પડે. એની પીડીએફ લિંક પણ રહી.

અને પછી વાંચો  આજે લખ્યું છે એ મિસ્ટીરિયસ  આઈલેન્ડ આ લિંક પર ક્લિક કરીને. સચિત્ર આવૃત્તિ છે. જલસો પડી જાય તેવી. આસાન અંગ્રેજીમાં. બેહતર રજૂઆત.

પછી જર્ની ટુ : મિસ્ટીરિયસ  આઈલેન્ડ ફિલ્મ પણ ડીવીડીમાં જોઈ લેવી. મહાન કૃતિને કેવી રીતે સલામી અપાય એના અહેસાસ માટે. આ રહ્યું ટ્રેલર, આ બ્લોગ પર ફરી એક વાર ડીઅર ફેલો વર્નીયન્સ ! (જુઓ લેખ )  :

ગુજરાતીમાં તો જુલે વર્નના પુસ્તકો વાંચવા હોય તો આ જ બે અંગ્રેજી ‘ટ્વેન્ટી થાઉઝન્ડ લીગ્સ અન્ડર ધ સી’ – ‘સાગરસમ્રાટ’ અને અને ‘મિસ્ટીરિયસ  આઈલેન્ડ’ તો ‘સાહસિકોની સૃષ્ટિ’ નામથી ઉપલબ્ધ છે. આ જ ક્રમમાં વાંચવાની ભલામણ છે.  મૂળશંકર મો. ભટ્ટના જ અનુવાદો શ્રેષ્ઠતમ  છે. (પ્રકાશક : આર. આર. શેઠ).

તો ગુરૂ , હો જા શરુ…:)

 
 
%d bloggers like this: